ვიდეო ინტერვიუ ფარმაცევტული ბაზრის კვლევის მნიშვნელოვან საკითხებს შეეხო, როგორიცაა წამლის ფასის ზრდის მიზეზები საქართველოში, მედიკამენტების ფასები რეცეპტის ინსტიტუტის პირობებში, ფარმაცევტული სექტორის ქცევა საყოველთაო ჯანდაცვის პროგრამის ფარგლებში და სხვ.
შენიშვნა: ინტერვიუ სულ ექვსი ნაწილისგან შედგება. ამჯერად ქვეყნდება პირველი ოთხი ნაწილი.
ნაწილი 1: კვლევის მიზანი და მეთოდოლოგია
” ფარმაცევტული ბაზრის კვლევის მიზანია დავაკვირდეთ და შევაფასოთ მოსახლეობის მედიკამენტებთან ხელმისაწვდომობა. ამისთვის მედიკამენტები ორ ჯგუფად უნდა დავყოთ, პირველი ჯგუფია ბრენდული მედიკამენტები, რომლებიც მსოფლიოს ყველა ბაზარზე შედარებით ძვირი ღირს, მეორე ჯგუფია შედარებით დაბალფასიანი გენერიული მედიკამენტები. კვლევა აფასებს თუ რამდენად ხელმისაწვდომია საქართველოს მოსახლეობისთვის მედიკამენტები, როგორც ფიზიკური, ისე ფასების თვალსაზრისით.”
ინტერვიუ გიორგი გოცაძესთან.
კვლევის ანგარიში იხილეთ ბმულზე
ნაწილი 2: ბრენდული და გენერიული მედიკამენტები
“საქართველოს რეალობაში მედიკამენტების უდიდეს ნაწილს პაციენტი თავად ყიდულობს და საყოველთაო ჯანდაცვის, თუ სხვა სახელმწიფო პროგრამები მას მნიშვნელოვნად ამ კუთხით არ ეხმარება, შესაბამისად მედიკამენტის ფასი მოსახლეობისთვის ძალიან მნიშვნელოვანია. ამ დროს კი ბაზარზე დაბალფასიან გენერიულ მედიკამენტებზე ხელმისაწვდომობა არაადეკვატურია და უარესდება წლიდან წლამდე, ეს გარკვეულ წილად შემაშფოთებელი და ყურადსაღები ტენდენციაა.”
კვლევის ანგარიში იხილეთ ბმულზე.
ნაწილი 3: რეცეპტის ინსტიტუტი საქართველოში
“რეცეპტი რომ საჭიროა აქ კითხვის ნიშანი არ დგას, […] კვლევამ აღმოაჩინა ის მოულოდნელი, ნეგატიური მოვლენები, რაც რეცეპტის შემოღებამ გამოიწვია. იგი აღწერს, თუ როგორ ისარგებლა ფარმაცევტულმა სექტორმა რეცეპტების შემოღებით.”
კვლევის ანგარიში იხილეთ ბმულზე.
ნაწილი 4: რამ გამოიწვია მედიკამენტებზე ფასების ზრდა საქართველოში
“ჩვენ შეგვიძლია დავუშვათ, რომ რეცეპტების შემოღებით ისარგებლა რა ფარმაცევტულმა ინდუსტრიამ, მან დაიწყო ფასნამატების სხვა ტაქტიკითა და სტრატეგიით გამოყენება, კერძოდ უფრო გააძვირეს მედიკამენტები, რომლებიც სიაში მოხვდა და ნაკლებად გააძვირეს მედიკამენტები, რომლებიც რეცეპტის სიაში არ მოხვდა.”
კვლევის ანგარიში იხილეთ ბმულზე.
ნაწილი 5: საყოველთაო ჯანდაცვის პროგრამა მოსახლეობა და ფარმაცევტული სექტორი
“საყოველთაო ჯანდაცვის შემოტანამ, ბევრი დანახარჯი შეუმცირა მოსახლეობის იმ ნაწილს, რომელიც ადრეც მიდიოდა სამედიცინო მომსახურების მისაღებ დაწესებულებაში და დღესაც მიდის. ისინი აღარ ხარჯავენ თავისი ბიუჯეტიდან ამ თანხას, სამაგიეროდ მათ გაზარდეს თანხის ხარჯვა მედიკამენტების შეძენაზე.”
კვლევის ანგარიში იხილეთ ბმულზე.
ნაწილი 6: ფარმაცევტული ბაზარი საქართველოში
“ძალიან ხშირად აფთიქარები ცდილობენ, მოგაწოდონ და შემოგთავაზონ ის მედიკამენტი, რომელიც ნაწარმოებია ამ კონკრეტული ფარმაცეფტული ქსელის მიერ საქართველოში. აქ უკვე ჩვენ გადავადვართ მარკეტინგულ სტრატეგიაზე, რომელიც საშუალებას აძლევს ამ კომპანიებს უზრუნველყონ ადგილობრივად ნაწამოები მედიკამენტების გაყიდვა უფრო მაღალ ფასში, ვიდრე იმპორტირებულის.”
კვლევის ანგარიში იხილეთ ბმულზე.
ნაწილი 7: რეკომენდაციები ფარმაცევტული სექტორის გასაუმჯობესებლად
“პირველი ამოცანა სახელმწიფოსთვის უნდა იყოს ის, რომ გაზარდოს გენერიკების ხემისაწვდომობა ქართულ ბაზარზე და გაზარდოს მთელი ქვეყნის მასშტაბით, რაც შემდგომში გაადვილებს მედიკამენტებს მოსახლეობისთვის. ამითვის საჭიროა მუშაობა ორი მიმართულებით, პირველი – მოსახლეობას განათლება, მეორე – გენერკიების ხარისხის კონტროლი. რათა მოსახლეობას ჰქონდეს რწმენა, რომ გენერიკები ზუსტად იგივე ხარისხის და ეფექტის არის, როგორც სხვა იმპორტირებული ბრენდული მედიკამენტები.”
კვლევის ანგარიში იხილეთ ბმულზე.
დამატებითი ინფორმაცია კვლევის შესახებ
კვლევა განხორციელდა მსოფლიო ბანკის ფინანსური მხარდაჭერით საქართველოს რანდომულად შერჩეულ 6 რეგიონში (თბილისი, აჭარა, იმერეთი, კახეთი, სამეგრელო-ზემო სვანეთი და ქვემო ქართლი) და მოიცვა როგორც დამოუკიდებელი, ასევე ქსელური აფთიაქები. კვლევის ფარგლებში შესწავლილ იქნა 52 დასახელების ორიგინალი ბრენდი და მათი შესაბამისი დაბალფასიანი გენერიკი.
ფარმაცევტულ ბაზარზე დაკვირვება საერთაშორისო ფონდმა კურაციომ 2009 წლიდან დაიწყო. კვლევის სხვადასხვა ტალღები განხორციელდა 2010, 2011 და 2012 წლებში.