Category: ბლოგი

საერთაშორისო ფონდი კურაციო 2009 წლიდან ყოველწლიურად გადასცემს ფონდის სახელობის სტიპენდიას ჯანდაცვის სფეროს მაგისტრანტს, რომელსაც კონკურსის ფარგლებში მოწვეული მიუკერძოებელი ჟიური ავლენს. იხილეთ სიუჟეტი პირველი დაჯილდოვების შესახებ. 

საერთაშორისო ფონდი კურაციო 2009 წლიდან ყოველწლიურად გადასცემს ფონდის სახელობის სტიპენდიას ჯანდაცვის სფეროს მაგისტრანტს, რომელსაც კონკურსის ფარგლებში მოწვეული მიუკერძოებელი ჟიური ავლენს. იხილეთ სიუჟეტი პირველი დაჯილდოვების შესახებ.

საერთაშორისო ფონდი კურაციო 2009 წლიდან ყოველწლიურად გადასცემს ფონდის სახელობის სტიპენდიას ჯანდაცვის სფეროს მაგისტრანტს, რომელსაც კონკურსის ფარგლებში მოწვეული მიუკერძოებელი ჟიური ავლენს. იხილეთ სიუჟეტი პირველი დაჯილდოვების შესახებ.

სტატია საზოგადოებას აცნობს საერთაშორისო ფონდი ‘კურაციოს’ სტიპენდიის პროგრამის შესახებ, რომელსაც ფონდი 2009 წლიდან აცხადებს მაგისტრანტებისთვის. სტიპენდია ყოველი წლის აპრილის თვეში ცხადდება და გამარჯვებულს მოწვეული, მიუკერძოებელი ჟიური ავლენს.

იხილეთ სტატია სრულად.

სტატია საზოგადოებას აცნობს საერთაშორისო ფონდი ‘კურაციოს’ სტიპენდიის პროგრამის შესახებ, რომელსაც ფონდი 2009 წლიდან აცხადებს მაგისტრანტებისთვის. სტიპენდია ყოველი წლის აპრილის თვეში ცხადდება და გამარჯვებულს მოწვეული, მიუკერძოებელი ჟიური ავლენს.

საქართველოში გრძელ-ვადიანი რეფორმების წამოწყების შედეგად გაჩნდა დიდი მოთხოვნა მთავრობას, სამოქალაქო საზოგადოებას და მედიას შორის თანამშრომლობაზე მაღალი ხარისხის მტკიცებულებათა მოპოვების და მტკიცებულებებზე დაფუძნებული სახელმწიფო პოლიტიკისადმი მზარდი მოთხოვნის უზრუნველყოფის მიზნით.

საზოგადოებრივმა ორგანიზაცია „კურაციომ“, რომელიც მუდმივად ცდილობს განავითაროს არასამთავრობო ორგანიზაციების უნარი უზრუნველყონ მტკიცებულებები პოლიტიკის შემუშავების პროცესში, ორგანიზება გაუკეთა 20 წამყვანი არასამთავრობო ორგანიზაციის წარმომადგენლების შეკრებას ბაზალეთში. ღონისძიება პროექტის “სამოქალაქო საზოგადოების გაძლიერება კვლევის მტკიცებულებების პოლიტიკის შემუშავებაში გამოყენების ხელშეწყობის მიზნით” ფარგლებში გაიმართა, რომლის მიზანია განავითაროს არასამთავრობო ორგანიზაციების მტკიცებულებების მიწოდების უნარი მთავრობის მიერ პოლიტიკის შემუშავების პროცესში. პროექტის ხორციელდება საერთაშორისო ფონდ „კურაციოს“ მიერ. ფინანსურ მხარდაჭერას უზრუნველყოფს ჯანდაცვის პოლიტიკის და სისტემების კვლევის ალიანსი (AHPSR) და ფონდი „ღია საზოგადოება – საქართველო“.

ამბობენ, რომ თუ პოლიტიკაზე გავლენის მოხდენა გსურს მისი შემუშავების პროცესში უნდა ერკვეოდე.

შესაბამისად ტრენინგი პოლიტიკის და პოლიტიკის ციკლის შესახებ მიზნად ისახავს დაეხმაროს ტრენინგის მონაწილეებს ეფექტიანად ჩაერთონ პოლიტიკის შემუშავების პროცესში. ძირითადი აქცენტი კეთდება დღის წესრიგის განსაზღვრის პროცესის გაცნობაზე და პოლიტიკის შემუშავების საფეხურებზე.

კურსის მოდული ორი ნაწილისგან შედგება: ტრენინგის პირველი ნაწილი, რომელიც ზაფხულში გაიმართა, თეორიული ხასიათის იყო და ეხებოდა მტკიცებულებებზე დაფუძნებული პოლიტიკის შექმნის საკითხებს; მასმედიის გავლენას საკითხების ადვოკატირებაში; საჯარო პოლიტიკას და ბიუჯეტურ ციკლს, გადაწყვეტილების მიღების ფორმალურ ჩარჩოებს. ტრენინგი ჩაატარეს მაღალკვალიფიციურმა ექსპერტებმა.

კურსის მეორე ნაწილი, რომელიც შემოდგომაზე ჩატარდა, ჯანდაცვის პოლიტიკის ფორმირების საკითხების უფრო ფართო და ინტერაქტიულ განხილვას მიეძღვნა. სესიის განმავლობაში ჩატარებულმა ჯგუფურმა მსჯელობამ და გუნდურმა პრეზენტაციებმა მონაწილეებს შეძენილი ცოდნის პრაქტიკაში გამოყენების და არგუმენტირებული მსჯელობის უნარის დემონსტრირების შესაძლებლობა მისცა, სახელდობრ:

მეორე ნაწილი ეძღვნებოდა ა) საბაზისო კვლევის შედეგების წარმოდგენას იმის გასაანალიზებლად თუ რამდენად აქვთ პარტნიორ არასამთავრობო ორგანიზაციებს საკმარისი შესაძლებლობები, ცოდნა და სოციალური ქსელი საქართველოში პოლიტიკის შემუშავების პროცესზე გავლენის მოსახდენად; 2 ) პრეზენტაციის მომზადებას საქართველოში ერთ-ერთ უკიდურესად მნიშვნელოვან რეფორმაზე ჯანდაცვის სფეროში – ჰოსპიტალური სექტორის რეფორმა; 3) ჯგუფურ განხილვებს სხვადასხვა პოლიტიკურ გარემოში პოლიტიკის შემუშავების პროცესის აღსაქმელად და მათ შესადარებლად (მაგ.: დიქტატურა — ჩილე; არჩევითი დემოკრატია : მექსიკა & კოლუმბია; დემოკრატიული რეჟიმები – აშშ; და საქართველო), 4) მომავალში გასატარებელ ღონისძიებებზე შეთანხმებას, რის შედეგადაც შეიძლება გაძლიერდეს არასამთავრობო ორგანიზაციების ხარისხიანი მტკიცებულებების მოპოვების და მათი პოლიტიკის შემუშავების პროცესში გამოყენების უნარი.

პროექტის ფარგლებში შეიკრიბნენ არასამთავრობო ორგანიზაციების ორი ქსელის წარმომადგენლები. კურსის დასასრულს მონაწილეებმა ერთმანეთს გაუზიარეს მათი ხედვა და მოსაზრებები ჯანდაცვის სექტორთან დაკავშირებულ მნიშვნელოვან საკითხებზე, რომლებიც სამოქალაქო საზოგადოების სწრაფ რეაგირებას მოითხოვს.

ტრენინგში მონაწილეობა მიიღეს შემდეგმა ორგანიზაციებმა:

საქართველოს ახალგაზრდა იურისტთა ასოციაცია, “საერთაშორისო გამჭირვალობა საქართველო“, „ღია საზოგადოება – საქართველო“ , საქართველოს ახალგაზრდა ეკონომისტა ასოციაცია, ეკონომიკური პოლიტიკის კვლევის ცენტრი, საქართველოს ფსიქიკური ჯანმრთელობის ასოციაცია, ფსიქიკური ჯანმრთელობის კოალიცია, ფსიქიატრიის სამეცნიერო-კვლევითი ინსტიტუტი, ბრიტანეთი-საქართველოს პროფესიული ქსელი, საქართველოს ფსიქოსოციალური დახმარების ასოციაცია “ნდობა”, „კავშირი ადამიანებისთვის განსაკუთრებულ ზრუნვას რომ საჭიროებენ“.

საერთაშირისო ფონდმა „კურაციომ“ ბრიტანეთი-საქართველოს პროფესიულ ქსელთან თანამშრომლობით მოაწყო სადისკუსიო კლუბი საზოგადოებრივი ორგანიზაციების ცნობიერების ასამაღლებლად კანონპროექტის „წამლისა და ფარმაცევტული საქმიანობის შესახებ“ საქართველოს კანონში დამატებებისა და ცვლილებების შეტანის თაობაზე“, რომელიც საქართველოს პარლამენტის მიერ 10 აგვისტოს იქნა მიღებული და 2009 წლის 15 ოქტომბრიდან ამოქმედდა. კანონპროექტი შემუშავდა საერთაშორისო ფონდ „კურაციოს“ ტექნიკური მხარდაჭერით აშშ-ს საერთაშორისო განვითარების სააგენტოს დაფინანსებული პროექტის CoReform-ის ფარგლებში. კანონპროექტი ევროპაში მოქმედი პროცედურების საფუძველზე შემუშავდა. შესაბამისად იგი სრულიად ახლებურ მიდგომას ითვალისწინებს ფარმაცევტული ბაზრის რეგულირების პროცედურების მიმართ საქართველოში. მოსალოდნელია, რომ ახალი რეგულირების გარემო გაადვილებს მედიკამენტების რეგისტრაციის პროცედურებს, გააუმჯობესებს უსაფრთხო მედიკამენტებზე ხელმისაწვდომობას და ხელს შეუწყობს ბაზარზე კონკურენციის ზრდას.

კანონპროექტის შემუშავების აუცილებლობა გამოიწვია იმ ფაქტმა, რომ იმპორტირებულ მედიკამენტებს საქართველოს მედიკამენტების ბაზრის თითქმის 90% უკავია, შესაბამისად საქართველოს მთავრობისთვის უკიდურესად მნიშვნელოვანი იყო იმპორტის რეგულირებისთვის ყურადღება მიექცია და სათანადო ღონისძიებები გაეტარებინა. ამის გამო მედიკამენტებთან და ფარმაცევტულ ბაზართან დაკავშირებული პოლიტიკა 2007 და 2008 წლებში ყურადღების ცენტრში მოექცა. სადისკუსიო კლუბი აღნიშნული საკითხების შესახებ “სამოქალაქო საზოგადოების გაძლიერება კვლევის მტკიცებულებების პოლიტიკის შემუშავებაში გამოყენების ხელშეწყობის მიზნით” პროექტის ფარგლებში გაიმართა, რომლის მიზანია განავითაროს მთავრობის პოლიტიკის შემუშავების პროცესში არასამთავრობო ორგანიზაციების მიერ მტკიცებულებების მიწოდების უნარი. პროექტი ხორციელდება საერთაშორისო ფონდ „კურაციოს“ მიერ. ფინანსურ მხარდაჭერას უზრუნველყოფს ჯანდაცვის პოლიტიკის და სისტემების კვლევის ალიანსი (AHPSR) და ფონდი „ღია საზოგადოება – საქართველო“.

ბატონი ვახტანგ მეგრელიშვილი, საერთაშორისო ფონდ „კურაციოს“ წამყვანი ექსპერტი 2007-2008 წლებში, რომელიც საქართველოს მთავრობას დახმარებას უწევდა კანონპროექტის შემუშავებაში, პრეზენტაციით წარსდგა საზოგადოებრივი ორგანიზაციების წინაშე. პრეზენტაცია შემდეგ მნიშვნელოვან საკითხებს შეეხებოდა: ა) ძირითადი ინფორმაცია; ბ) რატომ გაჩნდა ფარმაცევტული ბაზარზე ახალი მარეგულირებელი გარემოს შექმნის საჭიროება; გ) საერთაშორისო ფონდ „კურაციოს“ ექსპერტების მიერ საქართველოს მთავრობისთვის შემუშავებული რეკომენდაციები მედიკამენტების ბაზრის რეგულირების გაუმჯობესების მიზნით; დ) მთავრობის მიერ მიღებული და უარყოფილი რეკომენდაციები; დ) კანონპროექტის მოსალოდნელი გავლენა საქართველოს ფარმაცევტულ ბაზარზე.

საზოგადოებრივმა ორგანიზაციებმა გამოხატეს კანონპროექტის განხორციელების მონიტორინგში მონაწილეობის ინტერესი იმისათვის, რომ დააკვირდნენ რა გავლენას მოახდენს კანონპროექტი საქართველოს ფარმაცევტულ ბაზარზე.

ხართ ჯანდაცვის/საზოგადოებრივი ჯანმრთელობის ფაკულტეტის ბაკალავრიატის დამამთავრებელი კურსის წარჩინებული სტუდენტი? თუ ასეა, უნიკალური შესაძლებლობა გეძლევათ მიიღოთ სტიპენდია 250 ლარის ოდენობით თვეში.

2009 წლიდან საერთაშორისო ფონდმა „კურაციომ“ დაიწყო სტიპენდიების გაცემა საქართველოს აკრედიტირებული უნივერსიტეტების, ჯანდაცვის ორგანიზაციის/საზოგადოებრივი ჯანმრთელობის ფაკულტეტის ბაკალავრიატის დამამთავრებელი კურსის წარჩინებული სტუდენტებისათვის. საწყის ეტაპზე საპილოტო პროექტი განხორციელდება თბილისში.

საერთაშორისო ფონდი „კურაციოს“ სასტიპენდიო პროგრამა ჯანდაცვის/საზოგადოებრივი ჯანმრთელობის მართვის ფაკულტეტის ბაკალავრიატის სტუდენტების მხარდამჭერი პირველი ინიციატივაა, რომელიც მიზნად ისახავს:

წარჩინებული ბაკალავრი სტუდენტების საზოგადოებისთვის გაცნობას
ჯანდაცვის ორგანიზაციის/საზოგადოებრივი ჯანმრთელობის მართვის სპეციალობის პოპულარიზაციას.
სტუდენტების შერჩევა ხდება შემდეგი კრიტერიუმების მიხედვით:

უნდა იყოს ბაკალავრიატის წარჩინებული სტუდენტი;
კანდიდატი მოტივირებული უნდა იყოს გახდეს არჩეული საქმის პროფესიონალი;
უმაღლესი საგანმანათლებლო დაწესებულების რეკომენდაციები.
სტიპენდიის მინიჭების პირობები:

სტიპენდია გაიცემა წელიწადში ერთ სტუდენტზე;
სტიპენდია შეადგენს 250 ლარს თვეში;
სტიპენდია გაიცემა სასწავლო წლის დასაწყისში, 1 სექტემებერს.
აღნიშნული ინიციატივა გაზრდის სტუდენტების მოტივაციას გახდნენ ჯანდაცვის/საზოგადოებრივი ჯანმრთელობის მართვის პროფესიონალები. სასტიპენდიო პროგრამის მხარდასაჭერად, საერთაშორისო ფონდი „კურაციო“ შექმნის სპეციალურ ვებგვერდს, სადაც გამოქვეყნდება ინფორმაცია სტიპენდიანტების შესახებ. ვებ გვერდი შესაძლებლობას მისცემს სტუდენტებს გაეცნონ ჯანდაცვის მართვის ფაკულტეტის სტუდენტებს. მასზე განთავსებული იქნება სტუდენტებისთვის სასარგებლო ლინკები.

2009 მაისის თვეში დაიწყო ტრეინინგების სერია, რომელიც მიზნად ისახავდა მონაწილეებს მიეღოთ ინფორმაცია ამბულატორიულ მომსახურებაში, პირველადი ჯანდაცვის საერთაშორისო კლასიფიკატორის (ICPC2) გამოყენების შესახებ. 3 თვის მანძილზე ტრენინგის კურსი გაიარა 28 ჯანდაცვის ობიექტის 130-ზე მეტმა წარმომადგენელმა.

2009 24 ივლისს, საერთაშორისო ფონდმა „კურაციომ“, აშშ-ს საერთაშორისო განვითარების სააგენტოს მიერ დაფინანსებული პროექტის – CoReform ეგიდით უმასპინძლა დაჯილდოების ცერემონიას, რომელიც გაიმართა ჰოსპიტალური, ამბულატორიული და ლაბორატორიული ინტერვენციის კლასიფიკაციის შესახებ ტრენინგის პირველი ეტაპის დასრულების აღსანიშნავად. შრომის, ჯანმრთელობის და სოციალური დაცვის მინისტრმა, ალექსანდრე კვიტაშვილმა პირველადი ჯანდაცვის ცენტრებში მომუშავე 30 ტრენერს გადასცა პირველადი ჯანდაცვის საერთაშორისო კლასიფიკაციის (ICPC2) სპეციალური სერთიფიკატები.

მინისტრმა მონაწილეებს მიულოცა კურსის დამთავრება და განაცხადა, რომ „უწყვეტი განათლება აუცილებელია ნებისმიერი სპეციალისტის პროფესიული განვითარებისთვის“. მან აგრეთვე მადლობა გადაუხადა აშშ-ს საერთაშორისო განვითარების სააგენტოს, საქართველოს საზოგადოებისთვის ასეთი სასარგებლო პროექტების დაფინანსებისთვის. „აშშ-ს ვიცეპრეზიდენტის ჯო ბაიდენის ბოლოდროინდელმა ვიზიტმა ნათლად მიგვანიშნა, რომ აშშ-ს მთავრობა მხარს უჭერს საქართველოს პოლიტიკურ, ეკონიმიკურ თუ სოციალურ ინიციატივებს. აშშ-ს მთავრობის სახელით, აშშ-ს საერთაშორისო განვითარების სააგენტო ხელს უწყობს ამ სფეროების განვითარებას, რაც ძალიან მნიშვნელოვანია ჩვენთვის. მის მიერ დაფინანსებული ინიციატივები საქართველოს მოსახლეობის კეთილდღეობას უზრუნველყოფს“, – განაცხადა მინისტრმა.

ჯულიან სიმიდჯისკიმ (Julian Simidjiyski), პროექტის CoReform ხელმძღვანელმა და კომპანია ABT Associates-ის წარმომადგენელმა მადლობა გადაუხადა მინისტრს ღონისძიებაზე დასწრებისთვის და ხაზი გაუსვა ტრენერების წვლილს. „მათი მონდომების გარეშე ღონისძიება არ გაიმართებოდა,“ – განაცხადა მან.

გიორგი ხეჩინაშვილმა (აშშ-ს საერთაშორისო განვითარების სააგენტოს კავკასიის მისიის ჯანდაცვის და სოციალური განვითარების ოფისის პროგრამის მართვის სპეციალისტმა), მის გამოსვლაში განსაკუთრებით ხაზი გაუსვა სამედიცინო ინტერვენციების საერთაშორისო კლასიფიკატორების მნიშვნელობას ქვეყნის ჯანდაცვის სექტორისთვის და დიდი მადლიერება გამოხატა პროექტის განმახორციელებელი ორგანიზაციების მიმართ, სამუშაოს სრულყოფილად შესრულებისთვის.

„თითქმის 10-11 წელია რაც ჯანდაცვის სფეროში ტრენინგებში ვიღებ მონაწილეობას, მაგრამ არცერთი მათგანი არ ყოფილა ასეთი სასარგებლო. ვფიქრობ როგორ ვმუშაობდით დღემდე ICPC-ის გარეშე, როგორ ვახერხებდით პრიორიტეტების განსაზღვრას და ანგარიშგების პროცესის წარმართვას. ამ სისტემის დანერგვა უკიდურესად მნიშვნელოვანია პროვაიდერების მუშაობის და ასევე მათი მომსახურების გაუმჯობესების მიზნით“ ,- განაცხადა ტრეინინგის მონაწილემ, რუსუდან ჩიტაიშვილმა, „ალდაგი ბისიაი ასისტანსის“ წარმომადგენელმა.

ტრენინგები კვლავ გრძელდება და სექტემბრის ბოლოსთვის დამატებით 40 ჯანდაცვის სპეციალისტი გაივლის ტრენინგს. ამჯერად ტრენინგებში ყურადღება გამახვილდება სკანდინავიის ქვეყნების სამედიცინო-სტატისტიკური კომიტეტის (NOMESCO) მიერ შემუშავებულ ქირურგიული პროცედურების კლასიფიკატორზე (NCSP).

უნდა აღინიშნოს, რომ საქართველოს შრომის, ჯანმრთელობის ადა სოციალური დაცვის სამინისტრომ მიიღო საქართველოში ICPC2-ის გამოყენების ლიცენზია. ამჟამად სამინისტრო აგრძელებს მუშაობას ნორმატიული აქტის გამოსაცემად, რომლის მიხედვითაც მოხდება ყველა კლასიფიკატორის ოფიციალურ, ეროვნულ კლასიფიკატორად აღიარება.

2004 წელს აშშ-ს საერთაშორისო განვითარების სააგენტოს კავკასიის ოფისის ფინანსური მხარდაჭერით დაიწყო პროექტის „თანამშრომლობა ჯანდაცვის სისტემის გარდაქმნისთვის საქართველოში“ განხორციელება. პროექტი დასრულდა 2009 წლის სექტემბერში. პროექტის ფარგლებში საქრთველოს მთავრობას გაეწია ტექნიკური დახმარება საქართველოს ჯანდაცვის სისტემის ეფექტიანობის და გამჭირვალობის გაუმჯობესების მიზნით. პროექტი მიზნად ისახავდა საქართველოს მთავრობის დახმარებას ჯანდაცვის დაფინანსების სისტემის, რეპროდუქციული ჯანდაცვის, ოჯახის დაგეგმვის და ეროვნულ დონეზე ჯანდაცვის დაწესებულებების გაუმჯობესებაში შრომის, ჯანმრთელობის და სოციალური დაცვის სამინისტროსთან, ორგანიზაცია Abt Associates-თან, „ქეა ინტერნეიშენალთან“, გარდამავალი ეკონომიკის ქვეყნების ჯგუფთან (EMG) და საერთაშორისო ფონდ „კურაციოსთან“ თანამშრომლობით.

პროექტი შემდეგი ძირითადი კომპონენტებისგან შედგება:

ჯანდაცვის დაფინანსება და პოლიტიკის შემუშავება;
ეროვნული ჯანმრთელობის ანგარიშები;
ორგანიზაციული განვითარება და დონორების ჰარმონიზაცია.
პროექტის კომპონენტი “ეროვნული ჯანმრთელობის ანგარიშები“ განხორციელდა საერთაშორისო ფონდ „კურაციოს“ მიერ შრომის, ჯანმრთელობის და სოციალური დაცვის სამინისტროსთან და შემდეგ სახელმწიფო ორგანოების წარმომადგენლებისგან შემდგარი სამუშაო ჯგუფთან მჭიდრო თანამშრომლობით: საზოგადოებრივი ჯანდაცვის დეპარტამენტი, ეკონომიკის სამინისტრო, სტატისტიკის სახელმწიფო დეპარტამენტი, დაზღვევის სახელმწიფო ზედამხედველობის საბჭო, სადაზღვევო ასოციაცია, საქართველოს სოციალური დაზღვევის ერთიანი სახელმწიფო ფონდი (SUSIF), ფინანსთა სამინისტრო, დაავადებათა კონტროლისა და სამედიცინო სტატისტიკის ცენტრი და ეროვნული ჯანმრთელობის დაცვისა და სოციალურ საკითხთა ინსტიტუტი. პროექტის მთავარი მიზანი იყო ეროვნული ჯანმრთელობის ანგარიშების კომპონენტის განხორციელება, როგორც პოლიტიკის გატარების ინსტრუმენტის ინსტიტუციონალიზაცია და ზოგადი ჯანდაცვის სისტემის რეფორმებთან მისი ინტეგრაცია. პროექტი განხორციელდა 2004 წლის სექტემბრიდან 2007 წლის სექტემბრამდე.

პროექტის კომპონენტი „ოჯახის დაგეგმვა და რეპროდუქციული ჯანმრთელობა“ განხორციელდა „ქეა ინტერნეიშენალის მიერ. ორგანიზაცია მოცემულ კომპონენტს საერთაშორისო ფონდ „კურაციოსთან“ ერთად ანხორციელებდა. „რეპროდუქციული ჯანმრთელობის და ოჯახის დაგეგმვის“ კომპონენტის მთავარი მიზანი იყო კანონმდებლობის, მარეგულირებელი ნორმების და პოლიტიკის გაუმჯობესება ხარისხიანი რეპროდუქციულ ჯანდაცვის მომსახურებაზე მოთხოვნის დაკმაყოფილების მიზნით. რეპროდუქციული ჯანდაცვის და ოჯახის დაგეგმვის პოლიტიკის საკითხზე მომუშავე გუნდის სტრატეგია მიზნად ისახავდა ადგილობრივი სამუშაო ჯგუფის დახმარების საშუალებით შრომის, ჯანმრთელობის და სოციალური დაცვის სამინისტროს მუშაობისთვის ხელშეწყობას. ჯგუფის ქმედებები რეპროდუქციულ ჯანდაცვის და ოჯახის დაგეგმვის მომსახურებაზე ხელმისაწვდომობის გაზრდისკენ იყო მიმართული. კერძოდ სამუშაო ჯგუფი მუშაობდა შემდეგ საკითხებზე: რეპროდუქციულ ჯანდაცვასა და ოჯახის დაგეგმვასთან დაკავშირებული ინფორმაციის და მომსახურების უზრუნვლყოფის მარეგულირებელი ნორმების საფუძვლიანი განხილვა და ანალიზი; ხარისხიანი რეპროდუქციული ჯანდაცვის მომსახურების მიწოდებაზე და ხელმისაწვდომობის გაუმჯობესებაზე ორიენტირებული ეროვნული პოლიტიკა, ეროვნული რეპროდუქციული ჯანდაცვის პოლიტიკის გააქტიურების სტრატეგია, რეპროდუქციული ჯანმრთელობის პოლიტიკის ხელშემწყობი კანონმდებლობის შემუშავება იმისათვის, რომ შრომის, ჯანმრთელობის და სოციალური დაცვის სამინისტროს და მთავრობას ჰქონდეთ პოლიტკის განხორციელების საკანონმდებლო პლატფორმა. პროექტის მეორე კომპონენტი 2004 წლის ოქტომბრიდან 2008 წლის სექტემბრამდე განხორციელდა.

ორგანიზაციული განვითარება და დონორების ჰარმონიზაცია. პროექტის კომპონენტის მიზანია შრომის, ჯანმრთელობის და სოციალური დაცვის სამინისტროს უკეთესად ფუნქციონირების უზრუნველყოფა ჯანდაცვის სექტორში მომუშავე ორგანიზაციების მუშაობის გაუმჯობესების გზით და პოლიტიკის დაგეგმვის, პროექტის შემუშავების და განხორციელების პროცესების ერთამანეთთან დაკავშირება. „2004 წლის შემდგომ CoReform-ის გუნდი მნიშვნელოვან დახმარებას უწევდა შრომის, ჯანმრთელობის და სოციალური დაცვის სამინისტროს და მის დაქვემდებარებაში მყოფ ორგანოებს შემდეგ საკითხებში: ძირითადი ფუნქციების განსაზღვრა, შემადგენელი სტრუქტურების ფუნქციების და მოვალეობების მკაფიოდ განსაზღვრა; უფრო გამჭირვალე და გამართული ჯანდაცვის სისტემის ჩამოყალიბება, დონორების ქმედებების ჰარმონიზაციის და კოორდინირების გადაქცევა შრომის ჯანმრთელობის და სოციალური დაცვის სამინისტროს ერთ-ერთ ყოველდღიურ ფუნქციად, სამინისტროს თანამშრომლების დახმარება ახალი ფუნქციების და მოვალეობების ეფექტიანად განხორციელებაში. არჩევითი პერიოდის განმავლობაში (2006 წლის ოქტომბერი – 2009 წლის სექტემბერი) მოცემულ კომპონენტს ძირითადად ახორციელებდა საერთაშორისო ფონდი „კურაციო“ Abt Associates-თან მჭიდრო თანამშრომლობით. ეს უკანასკნელი პროექტის საბაზისო პერიოდში (2004 წლის ოქტომბერი – 2006 წლის სექტემბერი) განსაზღვრულ მოვალეობებს ასრულებდა. კომპონენტის მთავარი სტრატეგიებია: შრომის, ჯანმრთელობის და სოციალური დახმარების სამინისტროს სისტემის რეორგანიზაცია, მუშაობის გაუმჯობესება, პოლიტიკის ციკლის მართვა და შესაძლებლობების გაზრდა.