Category: ბლოგი

გაზეთი ‘რეზონანსის’ სტატია საერთაშორისო ფონდი კურაციოს კვლევაზე ომით დაზარალებული მოსახლეობის ფსიქიკურ ჯანმრთელობის მდგომარეობის შესახებ.

ომით დაზარალებული მოსახლეობის ფსიქიკურ ჯანმრთელობის კვლევაზე იხილეთ, გამოცემა “ლიბერალის” სტატია “დეპრესია, შფოთვა, სტრესული აშლილობა – დევნილი მოსახლეობა და ფსიქიკური ჯანმრთელობა”

საერთაშორისო ფონდ კურაციოს კვლევაზე, რომელიც ომით დაზარალებული მოსახლეობის ფსიქიკურ ჯანმრთელობას აკვირდება, ინტერნეტგამოცემა ნეტგაზეთი წერს. იხილეთ ნინო კახიშვილის სტატია “ომი და ფსიქიკური ჯანმრთელობა”

ომით დაზარალებული მოსახლეობის ფსიქიკურ ჯანმრთელობის კვლევაზე იხილეთ, გამოცემა “ლიბერალის” სტატია “დეპრესია, შფოთვა, სტრესული აშლილობა – დევნილი მოსახლეობა და ფსიქიკური ჯანმრთელობა”

გაზეთი ‘რეზონანსის’ სტატია საერთაშორისო ფონდი კურაციოს კვლევაზე ომით დაზარალებული მოსახლეობის ფსიქიკურ ჯანმრთელობის მდგომარეობის შესახებ.

2012 წელს, საერთაშორისო ფონდმა ‘კურაციომ’ ჩაატარა ქცევაზე ზედამხედველობის კვლევები აივ გავრცელების მხრივ მაღალი რისკის ჯგუფების წარმომადგენლებს შორის. შესწავლილ იქნა აივ ინფექციის გავრცელება და სარისკო ქცევები ინექციური ნარკოტიკების მომხმარებლებში საქართველოს ექვს ქალაქში, ჰომოსექსუალური ურთიერთობების მქონე მამაკაცებში თბილისში, კომერციული სექსის-მუშაკებში თბილისსა და ბათუმში, და პატიმრებში. ქცევაზე ზედამხედველობის კვლევები ბიომარკერის კომპონენტით (Bio-BSS) განმეორებით ტარდება რისკის ჯგუფის წარმომადგენლებში. კვლევების მიზანია, მოხდეს დაკვირვება ეპიდემიის გავრცელებაზე და სარისკო ქცევების ცვლილებაზე, შეფასდეს პრევენციული ინტერვენციები და შედეგებზე დაყრდნობით დაიგეგმოს ადეკვატური საპასუხო ღონისძიებები.

კვლევის განხორციელებაში საერთაშორისო ფონდ ‘კურაციოსთან’ ერთად მონაწილეობდნენ საზოგადოებრივი გაერთიანება „ბემონი“, საინფორმაციო სამედიცინო-ფსიქოლოგიური ცენტრი ”თანადგომა” და დაავადებათა კონტროლისა და საზოგადოებრივი ჯანმრთელობის ეროვნული ცენტრი.

კვლევების საპრეზენტაციო დოკუმენტი ნახეთ აქ.

• აივ ინფიცირების რისკის შემცველი და უსაფრთხო ქცევები პატიმრებს შორის საქართველოში
• აივ ინფიცირების რისკის შემცველი და უსაფრთხო ქცევები ჰომოსექსუალური ურთიერთობების მქონე მამაკაცებს შორის თბილისში
• აივ ინფიცირების რისკის შემცველი და უსაფრთხო ქცევები ინექციური ნარკოტიკების მომხმარებლებში საქართველოს 6 ქალაქში
• აივ ინფიცირების რისკის შემცველი და უსაფრთხო ქცევები სექს-მუშაკებს შორის საქართველოს ორ ქალაქში
• ინექციური ნარკოტიკების მომხმარებლებში აივ ინფექციაზე ტესტირების ბარიერების შემსწავლელი კვლევა საქართველოში 2012 წელს

21 მაისს, საერთაშორისო ფონდმა ‘კურაციომ” თხუთმეტ ქართულ ანალიტიკურ ორგანიზაციასთან ერთად ხელი მოაწერა ხარისხისა და ეთიკის სახელმძღვანელო პრინციპების დოკუმენტს. ეს დოკუმენტი სტანდარტების კრებულია, რომლის მიზანია ჩამოაყალიბოს უპირატესი პრინციპები და უზრუნველყოს ანალიტიკური ორგანიზაციების მიერ უმაღლესი პროფესიული სტანდარტების დაცვა. ეთიკის ნაწილი აერთიანებს ისეთ საკითხებს, როგორებიცაა გამჭვირვალობა, ანგარიშვალდებული მმართველობა ორგანიზაციაში, ხოლო ხარისხის სტანდარტების მოიცავს კვლევის ხარისხის, ანალიზის და ადვოკატირების პროცესს.

დოკუმენტი ანალიტიკური ორგანიზაციების ინიციატივით და აღმოსავლეთ-დასავლეთის მართვის ინსტიტუტის (EWMI) „საჯარო პოლიტიკის, ადვოკატირებისა და სამოქალაქო საზოგადოების განვითარების პროგრამის“ (G-PAC) მხარდაჭერით შემუშავდა.

სტანდარტები ეფუძნება აშშ-ში, ცენტრალური და აღმოსავლეთ ევროპის სხვადასხვა ქვეყანაში არსებულ მსგავსი სახის დოკუმენტებს. წინამდებარე სახელმძღვანელოს პრინციპების სამუშაო ვერსიას ასევე გაეცნენ არიზონას სახელმწიფო უნივერსიტეტის საჯარო პოლიტიკის ექსპერტები და თავიანთი მოსაზრებები დააფიქსირეს. ხანგრძლივი დისკუსიის შედეგად და საჯარო პოლიტიკის კვლევის სფეროში საქართველოში არსებული რეალობის გათვალისწინებით, ქართული ანალიტიკური ორგანიზაციები საბოლოოდ ერთობლივად შეჯერდნენ და ხელი მოაწერეს ამ სახელმძღვანელო პრინციპებს.

ხარისხისა და ეთიკის სახელმძღვანელო პრინციპების დოკუმენტის ხელმოწერით, ანალიტიკური ორგანიზაციები იღებენ ვალდებულებასა და პასუხისმგებლობას, განუხრელად დაიცვან ისინი, რაც თავის მხრივ უზრუნველყოფს ამ ორგანიზაციების რეპუტაციის, სანდოობისა და კვლევის ხარისხის გაუმჯობესებას.

2012-2013 წლებში საერთაშორისო ფონდმა ‘კურაციომ’ შეისწავლა რუტინული იმუნიზაციის პროგრამის ხარჯები და ახალი ვაქცინის დანერგვასთან დაკავშირებული ხარჯები მოლდოვაში. პროექტი დაფინანსებულია ბილ და მელინდა გეიტსების ფონდის მიერ.

კვლევა შეისწავლის

ა) მოლდოვაში რუტინული იმუნიზაციის პროგრამის ეკონომიკური და ფინანსური ხარჯებს და ცვლილებებს ხარჯებში;

ბ) როტავირუსის ახალი ვაქცინის დანერგვის ხარჯებს;

გ) დაფინანსების და ფინანსების მოძრაობის ძირითაი წყაროებს იმუნიზაციის პროგრამაში;

დ) იმუნიზაციაზე პასუხისმგებელი დაწესებულებების პროდუქტიულობას და იმუნიზაციის პროგრამის ძირითადი ხარჯების წარმომქნელ ფაქტორებს.

ნახეთ პრეზენტაცია და საბოლოო ანგარიში (ხელმისაწვდომის ინგლისურ ენაზე).

საერთაშორისო ფონდი ‘კურაციოს’ ინტერნშიპის პროგრამის ფარგლებში დეკემბრის თვეში ორი სტუდენტი ეწვია. ლუჩია კალიცო (მაკალასტერის კოლეჯი, მინესოტა) და ლორა კოვარუბიასი (ჯონს კოპკინსი, საზოგადოებრივი ჯანდაცვის ბლუმბერგის სკოლა) აქტიურად ჩაერთნენ ვიზიტის პერიოდში მიმდინარე პროექტებზე მუშაობის პროცესში.

მათი თქმით, გამოცდილება, რომელიც მათ კურაციოში მიიღეს, საზოგადოებრივი ჯანდაცვის სფეროში წარმატებით მუშაობის გაგრძელებაში დაეხმარება.
მოცემულ ვიდეოში ლორა და ლუჩია საკუთარ გამოცდილებაზე საუბრობენ (ხელმისაწვდომია ინგლისურ ენაზე):

ლუჩია კალიცო

ლუჩია სწავლობს მინესოტაში, მაკალასტერის კოლეჯში, სპეციალიზაცია: საერთაშორისო განვითარება. კარიერული ინტერესი: საზოგადოებრივი ჯანდაცვის სფერო- კვლევები დედათა და ბავშვთა სფეროში. კურაციოში მუშაობდა პროექტზე: ვაქცინაციის ხარჯი მოლდოვაში.

ლორა კოვარუბიასი

საზოგადოებრივი ჯანდაცვის მაგისტრის ხარისხის კანდიდატი. სწავლობს ჯონს ჰოპკინსის უნივერსიტეტში. სპეციალიზაცია: რეპროდუქციული ჯანმრთელობა, პერინატალური და ქალთა ჯანმრთელობა.

კურაციოში მუშობდა ინექციური ნარკოტიკების მომხმარებელთა ქცევაზე ზედამხვედველობის კვლევაზე.